«АУЫЛ АМАНАТЫ» ЖОБАСЫ – АУЫЛДЫҢ ДАМУЫНА МҮМКІНДІК БЕРЕДІ

«Ауыл аманаты» – Қазақстанның ауылдық аймақтарын дамытуға бағытталған мемлекеттік жоба, 2023 жылы Қазақстан үкіметі тарапынан ауыл тұрғындарының әл-ауқатын арттыруға және ауыл шаруашылығын қолдауға бағытталған. Жобаның мақсаты – ауылдық елді мекендердің экономикалық әлеуетін дамыту арқылы ауылдағы жұмыссыздықты азайту, халықтың табысын арттыру және агроөнеркәсіптік кешенді нығайту. Бұл бағдарлама ауыл тұрғындарына төмен пайызбен несие алуға, өз бизнесін ашуға, кәсіпкерлікпен айналысуға мүмкіндік береді. «Ауыл аманаты» жобасы ауылдық жерлердің экономикалық және әлеуметтік дамуына ықпал етіп, көптеген ауыл тұрғындарының өмір сапасын жақсартуға мүмкіндік береді. Жоба ауылды жерлердегі жастардың ауылда қалуына, сол арқылы ауылдардың сақталуына да ықпал етуде. Басталғаннан бері жоба бойынша көптеген ауыл тұрғындары өз ісін ашып, ауыл шаруашылығы өнімдерін өндіруді және өңдеуді қолға алды.
Бұл бағдарлама ауыл тұрғындарының белсенділігі мен ынтасын арттыруға көмектесіп, ауылдық жерлердің экономикалық дамуына үлес қосуда. Сонымен қатар, бұл Қазақстандағы ауылдық аймақтардың әлеуметтік және экономикалық келбетін жаңғыртудағы маңызды қадам болып саналады.
«Ауыл аманаты» жобасы – ауылдың дамуына, тұрғындардың әл-ауқатының жақсаруына және бүкіл ел экономикасының тұрақты дамуына бағытталған маңызды бастама.
Абат Мүбараков
Ойыл аудандық кәсіпкерлік және ауыл шаруашылығы бөлімінің басшысы