Референдум – азаматтардың ел болашағына қатысу мүмкіндігі

Тәуелсіз мемлекет үшін халықтың пікірін ескеру және азаматтардың ел басқару ісіне қатысуы ерекше маңызға ие. Демократиялық қоғамда әрбір азаматтың дауысы маңызды саналады. Осындай мүмкіндікті жүзеге асыратын негізгі тетіктердің бірі – референдум. Референдум – халықтың маңызды мемлекеттік мәселелер бойынша тікелей дауыс беруі арқылы өз көзқарасын білдіруі. Бұл азаматтардың ел тағдырына белсенді араласуына мүмкіндік береді.

Референдум демократияның ең маңызды құралдарының бірі болып саналады. Өйткені ол халыққа мемлекеттік шешімдерді қабылдауға тікелей қатысуға мүмкіндік береді. Кейде елдің дамуына әсер ететін маңызды заңдар мен реформалар қабылдануы қажет болады. Осындай кезде халықтың пікірін білу үшін референдум өткізіледі. Азаматтар дауыс беру арқылы белгілі бір өзгерістерді қолдайтынын немесе қолдамайтынын білдіреді.
Исабаев Дулат
Ойыл аудандық музей басшысы