Әділбек — «Қазақстан Республикасының Құрметті қайраткері»

Тәуелсіздік мерекесі – еліміздің ең қастерлі әрі мәртебелі мейрамы. Осы орайда Қазақстанның әлеуметтік-экономикалық дамуына үлес қосып жүрген азаматтарды марапаттау мақсатында республикалық «Қазақстан Республикасының Құрметті қайраткері» байқауы ұйымдастырылды.
Байқаудың негізгі мақсаты – Мемлекет басшысы Қасым-Жомарт Тоқаевтың «Тәуелсіздік бәрінен қымбат» атты бағдарламалық мақаласын кеңінен насихаттап, Тәуелсіздік жылдарындағы еліміздің жетістіктеріне сүбелі үлес қосқан азаматтардың еңбегін дәріптеу.
Аталған байқау аясында белсенділік танытып, өзінің еңбегімен ерекшеленген азаматтардың бірі – Әділбек Рақым. Жерлесіміз өз саласында қажырлы еңбек етіп, ел игілігіне қосқан үлесі үшін жеңімпаз атанып, «Қазақстан Республикасының Құрметті қайраткері» атағымен марапатталды. Бұл атақ – адал еңбек пен тынымсыз ізденістің жемісі, сондай-ақ қоғамның дамуына қосқан үлестің лайықты бағасы.
Тәуелсіздік мерекесі қарсаңында осындай құрметті марапатқа ие болған азаматтарды насихаттау – өскелең ұрпақтың бойында отансүйгіштік пен еңбекқорлық қасиеттерін қалыптастырудың жарқын көрінісі.
Біз де Әділбекті лайықты марапатымен құттықтай отырып, ел игілігі жолындағы еңбегіне табыс, абырой мен жаңа жетістіктер тілейміз!