2024 жылдың басынан бастап Қазақстанда 11,5 млн-ға жуық жол қозғалысы ережесін бұзудың алдын алу жүргізілді

Құқық бұзушылықтардың алдын алу жөніндегі ведомствоаралық комиссияның отырысында жол қозғалысы ережелерін бұзудың алдын алу тәсілдерін қайта қарау қажеттілігі атап өтілді.

2024 жылдың басынан бері Қазақстанда 22 мыңнан астам «мас» жүргізуші ұсталды, барлығы 11,5 млн-ға жуық жол қозғалысы ережелерін бұзушылықтың жолын кесті. Премьер-министр Олжас Бектенов бірқатар қажетті шараларды атап өтті, оның ішінде бұзушылықтарды тіркеу камераларының функционалдығын кеңейту бар. Бүгінгі таңда олардың саны ел бойынша 24 мыңнан асады.

«Бұл камералардың мүмкіндіктерін жақсарту қажет. Мысалы, камералар жүргізушілердің телефон арқылы сөйлесулерін, жаяу жүргіншілерді өтпелерде өткізбегенін, белгіленбеген жерлерде тұрақтарға тоқтағанын, қауіпсіздік белдіктерін тақпағанын көруі керек.

Сондай-ақ мобильді жасырын бақылау камераларының желісін кеңейту қажет. Камералардың жұмысын тексеріп олардың санын көбейту керек. Мысалы, Астанада камералар жұмыс істемейді дейтін шағымдар көп. Сондықтан көптеген бұзушылықтар тіркелмей қалады. Автобусқа арналған арнайы жолақтармен жеңіл көліктер жүреді, бұл, әрине, қала тұрғындарының наразылығын тудырады. ІІМ Жол қозғалысы ережелерін бұзудың барлық фактілерінің жолын кесуге тиіс», — деп атап өтті Олжас Бектенов.