Айтқали — әлемнің күміс жүлдегері

27 қазан күні Индияның астанасы Нью-Дели қаласында гір спортынан әлем чемпионаты басталды. Әлемнің 13 елінен 234 атлет бақ сынаған бәсекеге Қазақстан Ұлттық Құрамасының сапында біздің жерлесіміз Айтқали Балтабаев та барған еді.
«Қара көбейтіп» барып қана қоймай, намысты қолдан бермеген Айтқали 63 салмақ дәрежесінде күміс жүлдеге ие болды. Гир спорты ғана емес, ауыр атлетика Ойыл үшін жат емес.
Қадіржан ағамыз салған сара жол бар. Айтқали қазір Ақтөбе қаласында гір тастарын көтеруден әлемнің бірнеше дүркін чемпионы Евгений Гончаровпен бірге жаттығады. Бұған дейін ел чемпионатында топ жарған Қазақстан қоржынына күміс медаль салған Айтқалиды айтулы жеңісімен құттықтаймыз!