Басты тақырып
Қазақстан өзінің арзан отынымен басқа елдердің экономикасын өзінің ұлттық мүдделеріне нұқсан келтіре отырып, іс жүзінде субсидиялап отыр — Энергетика министрлігі
Көрші елдердегі жағдай біздің ішкі жанар-жағармай нарығына айтарлықтай әсер етеді. Мұндай пікірді энергетика министрінің міндетін атқарушы Болат Ақшолақов Орталық коммуникациялар қызметінің алаңында өткен брифингте айтты.
Спикердің айтуынша, өткен жылдың наурыз айында Ресей Федерациясындағы дизель отынының бөлшек сауда бағасы Қазақстанның ішкі нарығындағы баға деңгейіне дейін төмендеген. Нәтижесінде, Ресеймен шекаралас жанармай құю станцияларында жанармай сатылымы айтарлықтай төмендеді, өйткені баға тепе-теңдігіне байланысты оны біздің елден шығаруға қызығушылық жоғалды.
«Бірақ бір айдан кейін көрші елдер мен Ресейде бөлшек сауда бағасының күрт өсуі байқалды. Нәтижесінде, күзде дизель отыны өндірісінің ұлғаюына қарамастан, біз оның тапшылығына тап болдық», – деді энергетика министрінің міндетін атқарушы.
Биыл бағаның айырмашылығы сақталып отыр. Қорытындылай келе, наурыз айында біз өткен жылдың сәйкес кезеңімен салыстырғанда 15% құрайтын тұтынудың өскенін көріп отырмыз, деді спикер.
«Мұндай жағдайда дизель отыны басқа елдерге және одан да көп көлемде әкетіледі. Біз 850 мың тонна көлемінде дизель отынының тапшылығына тап болуымыз мүмкін», – деді энергетикалық ведомство басшысының м.а.
Сонымен қатар, ол егер бұрын тапшылық өндіріс көлемін ұлғайту есебінен жабылса, қазір МӨЗ өз мүмкіндіктерінің шегінде жұмыс істеп жатқанын атап өтті. Спикердің айтуынша, алдағы 6 жылда дизель отыны мен жанар-жағармай өндірісінің көлемінің едәуір ұлғаюына сенім артуға болмайды, өйткені осы кезеңде Шымкент МӨЗ-ін қайта құру жобасы жүзеге асырылатын болады.
«Осылайша, Қазақстан өзінің арзан отынымен басқа елдердің экономикасын өзінің ұлттық мүдделеріне нұқсан келтіре отырып, іс жүзінде субсидиялап отыр, деп түйіндеді Б. Ақшолақов.
