ЕСБОЛАТ ӘДІЛХАНОВ – «ЕРЛІГІ ҮШІН» МЕДАЛЫНЫҢ ИЕГЕРІ

ҚР ІІМ полиция генерал-лейтенанты Саденов Ержан Сапарбекұлы, Ойыл ауданы ПБ ЖПҚ бөлімшесі учаскелік полиция инспекторлары тобының учаскелік полиция инспекторы полиция капитаны Әділханов Есболат Ерланұлын “Ерлігі үшін” медалімен марапатталды.
Оқиға 28 наурызға қараған түні орын алды. Ойыл ауылының тұрғыны түнгі мезгілде жұбайымен және кәмелетке толмаған 8 баламен бірге автокөлікпен ауылдан Ақтөбе қаласына қарай шыққан. Алайда, ауылдан алыстағаннан кейін көлік көзді ашып-жұмғанша қарқыны қатты сеңді су тасқынының ортасында қоршауда қалған. Суға батқан көлікте бала-шағасымен қалған ол, жақын жердегі Кемер ауылының тұрғындарына қоңырау соғып көмек сұраған.
Көмекке ауыл азаматтарымен бірге алғашқылардың бірі болып, Саралжын ауылдық округінің учаскелік полиция инспекторы жетіп, дереу құтқару жұмыстарына кіріскен. Қиын жағдайда қалған отбасы туралы хабарламаны алған соң, көмекке жылдам жеткендер бірнеше техниканы жұмылдырып, сеңнің жолын бөгеп, бір сағатқа жуық уақыт ішінде балалар мен ата-анасын су ортасынан аман-сау алып шығып, қауіпсіз жерге жеткізген.