«ДАРА ТҰЛҒАЛЫ ДӘРІГЕР»

Белгілі қоғам қайраткері, ғалым, дәрігер-эпидемиолог, профессор Ишанбай Қарақұловтың 115 жылдығына арналған «Дара тұлғалы дәрігер» атты тарихи шарасы мен көрмесін Ш.Берсиев атындағы Ойыл аудандық өнер және өлке тарихы музейі Ойыл аудандық ауруханасының мәжіліс залында ұйымдастырылды. Шара барысында музей директоры Балқия Рысбаева Ишанбай Қарақұловтың кіндік қаны тамған Ащыойыл өзені бойындағы ата қонысы болған жерлерін, «Атан қомындағы бала» атануы мен қиын тағдырын, өскен ортасы мен алдына қойған мақсатын және медицина саласында жеткен жетістіктерін баяндап берді. Ал еңбектері слайд арқылы көрсетіліп, тақырыптық көрмесі қонақтарға таныстырылды.
Тарихи бағытта ұйымдастырылған шараға ғалымның көзін көріп, дәмдес-сырлас болған Астана қаласынан келген жерлесіміз Сырым Бақтыгерейұлы мен еңбек ардагері Тыныштыбай Шалабаевтар қатынасып, естеліктерімен бөлісті.
Д. ИСАБАЕВ,
Ғылыми қызметкер.