«ЖАС ОТБАСЫ — 2024» ОБЛЫСТЫҚ БАЙҚАУЫН ДА ОЙЫЛДЫҚ ОТБАСЫ ОЗА ШАПТЫ

Ақтөбе қалалық мәдениет үйінде «Отбасы күні» мерекесіне арналған «Жас отбасы — 2024» облыстық байқауы өтті.
Жастар арасында отбасылық құндылықтарды дәріптеу, ата-аналардың бала тәрбиесіндегі жауапкершілігін арттыру, балалардың қарт ата-аналарға қамқорлығын күшейту мақсатында өткен байқауға ауданымыздан Әйтеке — Әйгерім Хамитовтар отбасы қатысып, өз өнерлерін көрсетті.
Байқау қорытындысы бойынша Хамитовтер отбасы бас жүлдені иеленіп, диплом мен ақшалай сертификат табыс етілді.