Спорт
ОЙЫЛ ҚҰРАМАСЫ – ОБЛЫСТЫҚ ТУРНИРДІҢ ЖЕҢІМПАЗЫ!
АҒЫМДАҒЫ ЖЫЛДЫҢ 18 ҚАҢТАРЫНДА АҚТӨБЕ ҚАЛАСЫНДА ҚАЗАҚСТАН РЕСПУБЛИКАСЫНЫҢ СПОРТ ШЕБЕРІ ЕРБОЛ МАХМЕТХАНОВТЫ ЕСКЕ АЛУҒА АРНАЛҒАН ВОЛЕЙБОЛДАН ОБЛЫСТЫҚ ТУРНИР ӨТКЕН БОЛАТЫН. БҰЛ ШАРА ОБЛЫСЫМЫЗДЫҢ ӘР ӨҢІРІНЕН КЕЛГЕН ВОЛЕЙБОЛ СҮЙЕР ҚАУЫМДЫ БІРІКТІРІП, БӘСЕКЕГЕ ТОЛЫ ҚЫЗЫҚТЫ ОЙЫНДАР ӨТТІ.
Турнирге барлығы тоғыз команда қатысты. Бағы мен бабы жарасқан Ойыл ауданының ересектер мен жастардан құралған құрамасы жоғары дәрежеде ойын көрсетіп, турнир жеңімпазы атанды.
Команда ойыншылары сайыс барысында шеберліктерін барынша көрсетті. Жастардың ұшқырлығы мен ересектердің тәжірибесін ұштастыра білген ауданымыздың спортшылары өздерін үздік жақтарынан байқатты. Команданың жеңіске жетуіне жетекші Нұрлыжан Мұқашевтың тәжірибелі басшылығы мен ұтымды стратегиясы да үлкен үлес қосты.
Жергілікті спортшылардың табысы – ауданның спортқа деген ынтасы мен қолдауының нәтижесі екені айтпасақ та түсінікті. Турнирдегі жеңіс бұқаралық спорттың дамуына үлес қосып, ағалар мен інілердің спортта табысқанын көрсетті.
