«ҚАУІПСІЗДІК КОДЫ: 102, 111, 150»
Қауіпсіздік – әр азаматтың ортақ жауапкершілігі
23–25 қыркүйек аралығында республика көлемінде «Қауіпсіздік коды: 102, 111, 150» республикалық акциясы өткізіледі. Акцияның негізгі мақсаты – тұрғындарға қауіпсіздік мәселелері бойынша ақпарат беру, сенім телефондарын түсіндіру және құқық бұзушылықтардың алдын алуға бағытталған қоғамдық жауапкершілікті арттыру.
Үш нөмір – қажетті көмекке жол
102 – полицияның жедел байланыс нөмірі. Қылмыс, құқық бұзушылық немесе шұғыл көмек қажет болған жағдайда азаматтар полицияға хабарласа алады.
111 – балалар мен отбасы мәселелері бойынша байланыс желісі. Балалардың құқықтарын қорғау, қауіпсіздігін қамтамасыз ету және қиын жағдайларға тап болған жандарға қолдау көрсету бағытында ақпарат алуға болады.
150 – сенім телефоны. Қиын өмірлік жағдайға тап болған адамдар кеңес пен қолдау алу үшін жүгінуіне болады.
Аталған нөмірлерді білу және қажет болған жағдайда дұрыс пайдалану – қауіпсіздікті қамтамасыз етудің маңызды қадамдарының бірі.
Қауіпсіздік – ортақ міндет
Ойыл ауданының полиция бөлімі тұрғындарды құқықтық сауаттылықты арттыруға, заң талаптарын сақтауға және айналасындағылардың қауіпсіздігіне жауапкершілікпен қарауға шақырады.
Әсіресе балалардың қауіпсіздігіне, отбасындағы өзара құрметке және тұрмыстық зорлық-зомбылықтың алдын алуға ерекше көңіл бөлу қажет. Қандай да бір қауіп немесе құқық бұзушылық белгілері байқалған жағдайда бейжай қалмай, тиісті қызметтерге уақытылы хабарласу маңызды.
Қауіпсіздік туралы ақпаратты білу – өзіңді және жақындарыңды қорғауға жасалған қадам.
«Қауіпсіздік коды: 102, 111, 150» акциясы аясында жүргізілетін түсіндіру жұмыстары азаматтардың хабардарлығын арттыруға және қауіпсіздік мәдениетін қалыптастыруға бағытталған.
Қауіпсіз қоғам – әрқайсымыздың ортақ үлесімізден басталады!
М.МҰРАТҚАЛИЕВ,
Ойыл ауданы полиция бөлімінің Қоғамдық қауіпсіздік бөлімшесінің
Отбасылық-тұрмыстық зорлық-зомбылыққа қарсы күрес тобының аға инспекторы полиция капитаны.
