АЙКӨРКЕМ – ЧЕМПИОН!

Оқушылардың каникул уақыты әртүрлі білім байқаулары мен спорттық жарыстардың өтетін кезі.
Биылғы күзгі каникул уақыты да ойылдық оқушылар үшін әртүрлі деңгейдегі дүбірлі додаларға толы болды. Жуырда ғана Диас Амангелдінің волейболдан облыс құрамасы сапында республика біріншілігінде топ жарғанын жеткізген едік.
Іле-шала Атыраудан да ақжолтай жаңалық жетті.
Яғни, Атырау қаласындағы «Жайық» спорт кешенінде дзюдодан «MAGAUIYA Open CUP3» атты жасөспірім ұлдар мен қыздар арасында республикалық турнир өткен болатын.
Атаулы турнирге Ойыл аудандық балалар мен жасөспірімдер спорт мектебінен 2 оқушы қатысып, бақтарын сынады. Нәтижесінде Айкөркем Сағынова жасөспірімдер арасындағы бәсекеде 34 кг салмақ дәрежесінде қарсыластарын айқын басымдықпен ұтып, чемпион атанды.
Осы тұста Айкөркемді талай жылдан бері биік бәсекелерге дайындап жүрген жаттықтырушысы Азат Әлімжанұлының ерен еңбегін айта кеткен жөн.

Г.АБАЙҚЫЗЫ