Жат ағым жарға жығады

Ойыл аудандық ішкі саясат, мәдениет, тілдерді дамыту және спорт бөлімінің мемлекеттік әлеуметтік тапсырысы аясында «Парасат» ақпараттық- кеңес беру орталығының мамандары ауданымызға келіп жоғары сынып оқушыларымен, студенттермен және пробация есебінде тұрған азаматтармен кездесу өткізді.

Кездесудің мақсаты — оқушылардың жалпы діни сауаттылығын арттыру, діни ағымдардың арбауынан сақтандыру, діни ағымдарды дәстүрлі діндерден қалай ажыратуға болатындығы жан-жақты түсіндірілді. Сонымен қатар жас ұрпақты діни экстремизмнің алдын алу барысында атқарылып жатқан жұмыстардан хабардар ету, салт-дәстүрді сақтауға, ұлттық құндылықтарды насихаттауға, отансүйгіштікке, рухани-адамгершілік тәрбиелеу.

«Парасат» ақпараттық кеңес беру орталығының теологі Әділет Маусымов басқосудың маңыздылығын атап, жастарды жат ағымнан аулақ болуға шақырды. Ол өз сөзінде қазіргі жас­тар­ды жат ағымға тартушылар үшін әлеуметтік желі оңай қару екенін атап өтіп, өзіміздің дәстүрлі діні­­мізді тек мешіт имамдарынан үй­ре­­ну қажеттігін ескертті. Әсіресе мектеп бітіретін оқушыларға кез-келген теріс идеологияның ықпалына еріп кетпеуі үшін жат ағымға кіріп, адасып жүрген жастардың өкініштерінен мысалдар келтіре отырып, кеңірек мәлімет берді.